سؤال وجواب....لعشاق العلم فقط!!

[محترف باتقان]

سؤال وجواب....لعشاق العلم فقط!!

1-ياترى معدل دوران الأرض حول نفسها
ثابت ولا بيزيد ولا بيقل؟
الإجابة ببساطة بيقل
لأنه أثناء دوران الأرض حول نفسها...ينتقل جزء من كم التحرك الزاوى لها..للقمر!!
وبالتالى سرعة دوران الأرض بتقل بمقدار ضئيل جدا جدا.
وبالتالى المسافة بين القمر والأرض بتزيد بالظبط 4سم كل سنة!


تعالوا نبسطها شوية
لو إحنا فى حلبة سباق خيول...وأنا راكب دراجة وبدور فى نفس الحلبة
ومعايا حبل طوقت به حصان ما...
حكتسب سرعة أعلى (بفرض إن الدراجة أبطأ)...
وسرعة الحصان حتتباطأ...
لو استبدلته الدراجة بالقمر...والحصان بالأرض..تبقى وضحت!


يبقى كده سرعة دوران الأرض حول نفسها بتقل..الأيام بتطول
وكمان سرعة دوران الأرض حول الشمس بتقل....الشهور بتطول


طيب إمتى التباطؤ ده يقف؟
حيقف لما طول الشهر يساوى بالظبط طول اليوم!!
زى كوكب الزهرة كده!


وده حيحصل إمتى؟
لما يبقى طول اليوم = طول الشهر=47 يوم بتوقيتنا الحالى!
طبعا ده نظريا يحصل بعد ملايين السنين...بفرض الأرض والشمس لسه موجودين!
ساعتها بقى...القمر حيكون بعد 135% من مسافته الحالية...


يبقى الناس اللى بتفسر فى الإعجاز العلمى...
لما نقرا الآية الكريمة (فإذا برق البصر ، و خسف القمر و جمع الشمس و القمر)
من فضلكم نفهم واحدة واحدة....
قلنا القمر حيبطل يبعد عن الأرض على بعد 135% من مسافته الحالية!


يبقى بذمتكم المقصود بالآية الكريمة...إن القمر حيذهب للشمس لإنه يبعد عنا 4 سم كل سنة!
طبعا غلط!
وألف غلط كمان!


2- هو مش الكون بدأ من المفترض من بذرة كونية(بيضة كونية) موحدة الكثافة من جميع الإتجاهات..
ده حسب مفهوم ..... الإنفجار العظيم.......
طيب ليه فيه أجزاء معينة فقط....تكتلت مكونة المادة؟

السؤال ده بقى من أصعب الأسئلة فى علم الكونيات!!
عارفين ليه؟
لأنه بيمس عملية الخلق ذاتها.
على العموم نقول رأى العلم إيه فى الموضوع ده:

النموذج التضخمى للكون:
لما كان الكون بيضة صغيرة جداجدا...
نتيجة لدرجة الحرارة الهائلة.....فجأة تمدد بشكل كبير..وتعرض للتبريد الفجائى!
فحدث ما يعرف بالتقلبات الكمية.....يعنى ظهرت جسيمات كمية...
من المفترض إنها تكون الأوتار الأولية للكون...والتى عملت كبذور كونية فى مناطق معينة فقط!
ومع الوقت نمت كل بذرة مكونة سحب ضخمة من الجسيمات الكمية ....
كل سحابة تفصلها عن الأخرى مسافات شاسعة....
ومع إستمرار تبريد الكون...كل سحابة تكون فيها الكواركات ثم الجسيمات الذرية الأساسية (البروتونات والإلكترونات والنيوترونات)...وأخيرا تكون عنصر الهيدروجين!....ومن هنا بدأ تكثف سحب الهيدروجين لتكوين المجرات والنجوم.....
وظلت المسافة بين السحب الكمية الأولية خالية من المادة!

يعنى المسألة شبه تكوين كريستالات الثلج فى السماء فى جو شديد البرودة ملبد بالغيوم.....
الكريستالات بتكون فى مناطق معينة فقط ومش فى الغلاف الجوى كله....برده تكثف المادة بيكون فى مناطق معينة فقط مش فى الكون كله!

طيب هل وجد العلماء البذور الكمية؟
العديد من عمليات مسح السماء بدقة جرت...وجرى دراسة خلفية إشعاع الميكروويف الكونى...ودراسة قوته بمنتهى الدقة..وحتى يومنا هذا لم يتوصل العلماء لبرهان قوى على وجود بذور كمية فى أطراف الكون!

مبدأ عدم اليقين:
قبل تمدد الكون....كان الكون عبارة عن نقطة متناهية جدا فى الصغر...
يعنى تخضع لمبدأ عدم اليقين لهايزنبرج!
كلما قل عدد الأماكن المتاحة للجسيم (لأن الكون صغير جداجدا)...كلما زادت السرعات المتاحة التى يتحرك بها الجسيم!
أو بكلمات أبسط زى مدرسناه فى ثانوى:
لو أنت متأكد من مكان الجسيم...لن تكون متأكد من سرعته!

يبقى لو طبقنا المبدأ على البيضة الكونية...
فى البداية كان الكون صغير جداجداجدا....
يعنى مكان الجسيم معروف بدرجة يقين عالية جداجدا...
يبقى هناك عدد لا نهائى من السرعات التى يتحرك بها الجسيم!!
وعندما تمددت البيضة الكونية
لأول مرة أصبح ممكن معرفة إحتمال واحد على الأقل لسرعة جسيم ما...أو مكانه
وتحول الزبد الكمى الهلامى فى البيضة الكونية...لموجة إحتمالية
وبقى فيه إحتمال:
1- وجود أماكن فيها تجمعات مادة....كتل
2- وجود أماكن لا تجمع فيها للمادة....فضاء


...ياترى لو البطارية دى فى فراغ فضائى بين النجوم..
يعنى الإحتكاك تقريبا=صفر
ياترى لو شغلنا ضوء البطارية حتندفع فى الإتجاه المعاكس زى الصاروخ كده؟؟

هو البطارية لو فى الفراغ بين النجوم..إذن
لا معنى للحركة المطلقة لأن الحركة المطلقة تحتاج إطار إسناد مرجعى تنسب إليه!
يعنى لما بنقول سيارة ما تمشى بسرعة 60كم/ساعة
نقصد سرعتها بالنسبة للرصيف أو للشارع (إطار الإسناد)

يبقى البطارية فى الفضاء بين النجوم ليس لها حركة مطلقة
وإنما ممكن نتحدث عن تسارع...أو حركة نسبية

طيب يعنى إيه حركة نسبية؟
هى الحركة اللى ممكن نعرفها دون اللجوء لإطار إسناد!!
زى مثلا لما السيارة تتباطأ فجأة أو تغير إتجاهها...

يبقى السؤال السليم الآن:
ياترى البطارية حتتسارع لما نضئ النور؟
هو البطارية المضاءة...تطلق فوتونات فى إتجاه واحد...
والفوتونات ليس لها كتلة ثبات!
علشان كده الفوتونات عمرها ما تتوقف!
يعنى ديما لها كمية تحرك!...تساوى hf/c
h ثابت بلانك....f تردد موجة الضوء ...c سرعة الضوء

وطبقا لقانون بقاء كمية التحرك
لو فى أى نظام فيه كمية تحرك فى إتجاه ما...لابد أن تكافئها كمية تحرك أخرى فى الإتجاه المعاكس!

يبقى كمية التحرك الناتجة عن الفوتونات...
لازم تساويها كمية تحرك للبطارية فى الإتجاه المعاكس!!
وطبعا البطارية لها كتلة ثبات = m
يبقى كمية التحرك= mv حيث v السرعة المكتسبة!
يعنى البطارية حتتسارع!!!

وطول ما فى فوتونات تصدر من مؤخرة البطارية...سيظل التسارع..
ولكن طبعا سرعته ضئيلة جدا جدا جدا


4- كثيرا ما نسمع عن...المتفردة الكونية.....ومتفردة الثقب الأسود!
يا ترى إيه الفرق بين الإتنين؟

طبعا بعيد عن الرياضة والحسابات وخلافه...الإجابة ببساطة تكمن فى التعريف نفسه
المتفردة الكونية هى نقطة حجمها صفر وكتلتها لانهائية وبالتالى كثافتها لانهائية!.....هذه المتفردة كانت تحتوى جميع أشكال المادة والطاقة فى الكون قبل أن يبدأ!
واللحظة الفعلية التى حدث فيها الإنفجار غير معلومة على وجه الدقة...لكن المعروف إنه عند لحظة زمن بلانك يعنى عند 10^43- من عمر الكون...
حدث تغير هام جدا!
إنفصلت الطاقة الكهرومغناطيسية فى المفردة عن الطاقة النووية القوية!

وبكده بدأ تضخم الكون....أو بمعنى أدق المفردة الكونية إتمددت ولأول مرة يبدأ ظهور منحنى الزمكان....يعنى إتضحت معالم الكون وظل يتمدد منذ تلك اللحظة حتى يومنا هذا

متفردة الثقب الأسود تتكون بعد إنهيار قلب نجم شديد الكثافة للداخل...وبالتالى يتحول النجم إلى كرة صغيرة جدا جدا...محيطها الخارجى اسمه أفق الحدث
ومركز الكرة هو نفسه المتفردة!
يبقى كده الفرق الظاهر الواضح إنه على الرغم من أن متفردة الثقب الأسود لانهائية الكثافة!...إلا أنها لا تحتوى على كتلة أو طاقة الكون كله!!
يعنى من المؤكد جدا نظريا وجود عدد لا نهائى من متفردات الثقوب السوداء

فرق تانى إن متفردة الكون..أو متفردة الإنفجار العظيم..كانت السبب فى ظهور الزمكان...أما متفردة الثقب الأسود فقط تقوم بتشويه الزمكان!!
يعنى إيه؟
يعنى تشويه هندسة الفضاء!
يعنى مثلا لو الكون شكله زى البالون المطاطى...لو ضغطت بشكل قوى بإصبعك سوف يغوص سطح البالون للداخل ويتشوه شكل البالون...متفردة الثقب الأسود زى كده تقريبا.

متفردة الإنفجار العظيم نشأ هنا سهم للزمن!
يعنى شعاع له نقطة بداية وحيدة وممتد للنهاية فى المستقبل.
يعنى الإتجاه فقط من الماضى للمستقبل!

متفردة الثقب الأسود لا معنى للزمن فيها!...لإنه تشوه!
ومن الجائز نظريا كما يرى البعض إنها إحدى فتحات ثقب دودى
يعنى تنقلها فى الكون لزمكان مختلف تماما عن زمكانك!!
وفيه ناس تعتقد إنها ممكن تنقلك لكون آخر بالمرة!!

أما المتفردة الكونية فليست بأى حال فتحة ثقب دودى!
لإنه ببساطة لا يوجد هناك زمكان نشأت فيه!!
وإنما هى سبب ظهور الزمكان!

آخر فرق!
متفردة الكون الأولى عبارة عن نقطة بمعنى الكلمة!
متفردات الثقب الأسود لها نوعين:
لو الثقب ثابت...تبقى نقطة!
لو الثقب دوار....تبقى حلقة!

طبعا الكلام مبسط والموضوع أكثر تعقيدا....
ولكن الهدف نعرف بشكل عام

المصدر: منتديات محترفون سورية

---

schg ,[,hf>>>>guahr hgugl tr'!! schg ,[,hf>>>>guahr hgugl tr'!!

[محترف باتقان]

كل الشكر والتقدير لك على الموضوع الرائع .. ...

.. و ثق أننا بانتظار المزيد منك ...

تحياتى واتمنا المشاركة معنا لبناء المنتدى والازدهار بين المنتديات